Gildistími þjónustusamnings vegna skólamáltíða fyrir Grunnskóla Fjallabyggðar 2021-2024 rennur út 5. júní 2024. Ákvæði er í samningi um möguleika á framlengingu samnings tvisvar sinnum um eitt ár í senn. Skv. framlögðu minnisblaði telur deildarstjóri fræðslu-, frístunda- og menningarmáladeildar rétt að óska eftir heimild til útboðs á skólamáltíðum fyrir Grunnskóla Fjallabyggðar, til næstu þriggja skólaára, með möguleika á framlengingu samnings um tvisvar sinnum eitt ár í senn.
Á 827. fundi bæjarráðs var samþykkt tillaga deildarstjóra fræðslu-, frístunda- og menningarmáladeildar um að farið verði í útboð á skólamáltíðum í samræmi við minnisblaðið, en málinu var jafnframt vísað til frekari umræðu í bæjarstjórn.
Enginn tók til máls.
Samþykkt